الاربعین کی رپورٹ کے مطابق، محمد رضا عارف نے وزیرِ ٹرانسپورٹ سے ٹیلیفونک رابطہ کیا اور ہدایت دی کہ اربعین کے ایام میں نجف اور کربلا جانے والے زائرین کے لیے پروازوں کے نرخوں میں فوری طور پر نظرِ ثانی کی جائے تاکہ عوام کو ریلیف فراہم کیا جا سکے۔
نائب صدر نے مزید کہا کہ ریلوے اور زمینی راستوں پر بھی زائرین سے ممکنہ حد تک کم کرایے وصول کیے جائیں تاکہ حضرت امام حسینؑ کے عزادار مالی دباؤ کے بغیر اس روحانی سفر کو مکمل کر سکیں۔
یاد رہے کہ ہر سال اربعین کے موقع پر لاکھوں زائرین ایران سے عراق کا رخ کرتے ہیں، جس کے باعث سفری اخراجات میں غیرمعمولی اضافہ دیکھنے میں آتا ہے۔