رابرٹ ہارورڈ نے امریکی قومی سلامتی کےمشیرکا عہدہ قبول کرنے سے انکار کردیا

امریکی صدر ڈونلڈ ٹرمپ کی جانب سے قومی سلامتی مشیر کے لیے منتخب کئے گئے ریٹائرڈ وائس ایڈمرل رابرٹ ہارورڈ نے یہ عہدہ سنبھالنے سے انکار کر دیا ہے۔وائٹ ہاؤس کے سینئر اہلکار کے مطابق مائیکل فلن کے استعفے کے بعد روبرٹ ہارورڈ کو قومی سلامتی مشیر کے عہدے کی پیش کش کی گئی ،لیکن ایڈ مرل ہارورڈ نے ذاتی وجوہات کی بنا پر اس عہدے سے انکار کردیا ہے۔ یہ بھی اطلاعات ہیں کہ ہارورڈ اور ٹرمپ انتظامیہ کے درمیان تنازع کی وجہ یہ تھی کہ وہ اس عہدے کے ماتحت کام کرنے کے لیے اپنی ٹیم لانا چاہتے تھے۔ واضح رہے کہ کچھ روز قبل روس سے تعلقات کے الزام کی وجہ سے مائیکل فلن اپنے عہدے سے مستعفی ہوگئے تھے۔