ايراني عوام نے آج بروز جمعرات 29 دسمبر كے دن كو جب سات سال پہلے انقلاب مخالف عناصر كي سازشوں كے خلاف شديد رد عمل ديا گيا تھا كو عقيدت كے ساتھ منايا اور سامراجي قوتوں بالخصوص امريكہ اور ناجائز صہيوني رياست كے خلاف شديد نعرہ بازي كي.
اس دن كي مركزي تقريب ايراني دارالحكومت تہران ميں منعقد ہوئي جس ميں امام رضا (ع) كے مطہر روضے كے منتظمين ادارے، آستان قدس رضوي كے سربراہ علامہ 'سيد ابراہيم رئيسي' شريك تھے اور انہوں نے اس موقع پر خطاب بھي كيا.
اس باوقار تقريب ميں ايراني شہريوں نے سات سال پہلے فتنہ برپا كرنے والے عناصر كے اقدامات كي شديد مذمت كرتے ہوئے ، ان سازشوں كے خلاف اٹھ كھڑے ہونے والے عوام كي جرات كو خراج عقيدت پيش كيا.
مركزي تقريب سے خطاب كرتے ہوئے آستان قدس رضوي كے سربراہ علامہ سيد ابراہيم رئيسي نے كہا كہ سات سال پہلے اسي دن ايراني عوام نے روحاني بصيرت اور قيام عاشورا كے مقاصد كو اپنے دل و دماغ ميں ركھ كر سڑكوں پر آكر اور اسلامي نظام، مادر وطن، شہدا كے خون اور ولايت فقيہ كا بھرپور دفاع كيا.
انہوں نے بتايا كہ 29 دسمبر كو رونما ہونے والے تاريخي دن كو ايراني عوام كي جرات كو ہرگز فراموش نہيں كيا جاسكتا اور اس دن ہماري جرات مند قوم نے ملك دشمن عناصر اور ان كي پشت پناہي كرنے والي عالمي سامراجي طاقتوں كو منہ توڑ جواب ديا.
تفصيلات كے مطابق، تہران كي مركزي تقريب ميں شريك ايراني شہريوں نے باني عظيم اسلامي انقلاب حضرت امام خميني (رہ)، شہدائے انقلاب كو خراج عقيدت پيش كيا.
سات سال پہلے 30 دسمبر 2009 كے دن (9 دي 1388 ايراني سال) ايران ميں منعقدہ صدارتي انتخابات كے بعد بعض ملك دشمن عناصر نے تہران سميت بعض شہروں ميں ہنگامہ برپا كيا جن كو بيروني حمايت حاصل تھي مگر ايراني قوم نے سڑكوں پر آكر ہوئے ملك دشمن عناصر كي ناجائز خواہشات كو مسترد كرتے ہوئے ملكي سالميت كا بھرپوردفاع كيا.
Thursday 28 November 2024
